ქართული ფილმი ზღვარი საქართველოს კინოთეატრებში 2014 წელს გამოჩნდა. ფილმში მთავარ როლშია ნინი. ნინი არის 26 წლის. მისი მშობლები და საერთოდ მთელი ოჯახი ძალიან დაინტერესებულია, ჩართულია და ყველანაირად ცდილობს, რომ ნინი ცოლად გააყოლონ მატერიალურად ძალიან კარგ მდგომარეობაში მყოფ ბიჭს, ფაქტობრივად ცდილობენ სარფიანი გარიგება გააფორმონ მომავალ სიძესთან. განსაკუთრებით აქტიურობს მამიდა, თუმცა ოჯახის სხვა წევრებიც არ ჩამოუვარდებიან მას. ყველა ცდილობს, რომ ნინი როგორმე გაურიგონ 30 წლის გიგის, რომელიც ბიზნესმენია და საკმაოდ დალხენილადაც ცხოვრობს. როგორც გაირკვევა, ნინისაც მოეწონება გიგი და მათი შეხვედრებიც გახშირდა. გიგისაც მოსწონდა ნინი და ნინისაც მოსწონდა გიგი. ეს ყველაფერი იდილიაში გრძელდებოდა მანამდე, სანამ ნინი შემთხვევით გაიცნობდა ასევე 30 წლის ზაზას, რომელიც მხატვარია და ამავდროულად იღებს ნარკოტიკებს, აგრეთვე გიგისგან განსხვავებით მატერიალურადაც მაინც და მაინც დალხენილად არ აქვს საქმე. მიუხედავად ყველაფრისა, ნინის შეუვარდება ზაზა და ახლა იგი დიდი არჩევანის წინაშეა, მან ან უნდა აირჩიოს სიყვარული და მოუწიოს გაჭირვებით ცხოვრება, ან აირჩიოს დალხენილი ცხოვრება, ყოველდღიური კეთილდღეობა, თუმცა უსიყვარულოდ.
